Royi Jab Laadli Muhammad Ki
Saara Darbar Muskuraya Hai

Haye Baad E Rasool Zahra Par
Kaisa Ghurbat Ka Waqt Aaya Hai

Jaise Jaise Batool Roti Thi
Kehkahe Un Ke Barhte Jate Thy
Saath Jin Ko Batool Laayi Thi
Ashk Dono Gawah Bahate Thy
Sab Thy Masroof Muskurane Mein
Na Kisi Ko Bhi Tars Aaya Hai

Main Tou Wo Hoon Ke Ya Rasool Allah
Jis Ki Tazeem Aap Karte Thy
Naam Lena Ho Jab Mera Baba
Aap Pehle Darood Parhte Thy
Kya Bataun Ke Mujh Pe Kya Guzri
Us Ne Tu Keh Ke Jab Bulaya Hai

Ye Wo Bibi Hai Ke Muhammad Bhi
Jis Ko Umme Abiha Kehte Thy
Wo Sawali Bani Khari Thi Magar
Samne Kursiyon Pe Baithe Thy
Usko Muslim Kahun Bhala Kyun Kar
Jis Ne Bibi Ka Dil Dukhaya Hai