Qabr E Nabi Udas Madina Udas Hai
Kamsin Hussain Nana Ke Roze Pe Aagaya
Nana Mere Nana Main Hussain
Nana Rab Ke Waste Sun Meri Dua
Beemar Hai Ye Maa Meri
Dukhiya Ko De Shifa

Jur Sakti Hai Tou Jor De Amma Ki Pasliyan
Ummat Ne Meri Maa Ko Zakhmi Bohot Kiya

Lagte Rahe Tamache Main Dekhta Reh Gaya
Be Bas Hussain Reh Gaya Maa Ko Bacha Na Saka

Deewar O Dar Ke Darmiyan Maa Pis Ke Reh Gayi
Chila Rahi Thi Dard Se Mohsin Guzar Gaya

Leti Hai Jab Bhi Saans Tou Dukhti Hain Pasliyan
Maa Ka Ye Haal Dekh Kar Phatta Hai Dil Mera

Pehlu Ke Dard Ke Sabab So Bhi Nahi Saki
Bache Na Roye Isliye Chup Chup Ke Ki Buka

Ummat Nahi Samajh Saki Rutba Batool Ka
Darbar Mein Batool Ko Jhutla Diya Gaya

Farhan Aur Mazhar O Nashad Ro Diye
Sun Kar Ye Bain Kaanp Utha Roza Rasool Ka