Yabna Zehra Yabna Zehra
Allahumma Ajall le Waliyakal Faraj

Ro Ke Zahra Yeh Pukari Al Ajal Ya Mehdi
Mujh Pe Darwaza Gira Toor Di Pasli Meri

Inteqam Aa Ke Tujhe Lena Hai Mohsin Ka Mere
Yad Karti Hai Abhi Se Tujhe Teri Dadi

Zakhmi Pehlu Pe He Ik Hath Mera Rehta Tha
Dusra Hath Utha Kar Main Dua Karti Thi

Hans Rahe The Sabhi Darbari Meri Ghurbat Par
Main Ne Tehreer e Nabi Khak Se Yeh Keh Ke Chuni

Mere Pehlu Ki Tarha Beta Shikasta Hai Mazar
Dekho So Saal Huye Qabar Dubara Na Bani

Aik Kocha Mein Jo Zalim Ne Tamacha Mara
Haye Main Rote Huye Khak Pe Yeh Keh Ke Giri

Bandh Ke Khainchi Jo Zalim Ne Galay Mein Rasi
Dil Mera Kehta Raha Dekh Ke Tauheen e Ali

Meekh Darwaza Ki Jis Dam Mere Pasli Pe Lagi
Mujh Ko Mohsin Ki Sada Rota Huye Aati Thi

Mir Sajjad Jo Jalta Howa Darwaza Gira
Al Madad Fizza Se Pehle Meri Bibi Boli