Ya Fatima Zahra Ya Fatima Zahra
Faryad Hai Faryad Hai Ya Umm E Abiha
Madad Karein Madad Karein Ali Ke Haq Ka Wasta Hai Bibi Fatima

Kise Sunaein Haal E Dil Hamara Kon Hai Yahan
Bas Aap Ka Hai Aasra Kareem E Karbala Ki Maa
Chura Lo Gham Se Ab Humein
Tumhara Naam Fatima Hai Bibi Fatima

Dar E Hussain Dekh Loon Bohat Udas Hai Nazar
Najaf Se Karbala Humein Bula lein Arbaeen Par
Labon Pe Ya Hussain Hai
Hamare Dil Mein Karbala Hai Bibi Fatima

Bichaon Ga Main Kab Talak Saf E Azza Yahan Wahan
Mujhe Woh Ghar Atta Karein Bapa Hoon Majlisein Jahan
Ho Ghar Mein Aap Ke Qadam
Ye Har Ghareeb Chahta Hai Bibi Fatima

Aye Syeda Hai Aap Ko Hasan Hussain Ki Qasam
Jo Khali Godiyaan Hain Ab Ye Un Pe Kijiye Karam
Atta Ho Waris E Azza
Labon Pe Bas Yehi Dua Hai Bibi Fatlma

Hai Jab Se Qaid Mein Pisar Adhora Lag Raha Hai Ghar
Is Intezar Mein Hai Maa Kab Aaye Ga Mera Pisar
Rehai Ki Khabar Mile
Aseer Jo Bhi Be Khata Hai Bibi Fatima

Mareez E La Elaj Ko Dikhayiye Ye Mojza
Ba Haq E Abid E Hazeen Atta Karein Usay Shifa
Aye Raziya Aye Marziya
Tumhare Hath Mein Shifa Hai Bibi Fatima

Zahoor Ho Imam Ka Banaein Aap Ka Haram
Hai Matami Ki Aarzu Biche Wahan Bhi Farsh E Gham
Shikasta Qabar Dekh Kar
Hamara Dil Tarap Raha Hai Bibi Fatima

Tote Hue Dilon Ka Bas Ik Aasra Hain Aap
Jis Ko Ali Pukarein Wohi Fatima Hain Aap
Mushkil Kusha Ke Wastay Mushkil Kusha Hain Aap
Zeeshan Auur Raza Ke Labon Ki Sada Hain Aap
Dil Hai Udas Hum Hain Pareshan Fatima
Mushkil Hamari Kijiye Aasan Fatima