Darwaza E Zahra Se Atta Hoti Rahe Gi
Takseem Farishton Mein Geza Hoti Rahe Gi
Bas Chadar e Zahra He Maseeha Hai Nabi Ki
Ye Orhain Rahein Gaye Tu Shifa Hoti Rahe Gi
Shabbir Ki Maa Kehne Lagi Wahab Ki Maa Se
Aye Bibi Tere Haq Mein Dua Hoti Rahe Gi
Aye Zahra Ke Munkir Ye Namaz Aisi Hai Teri
Jo Waqt Pe Parh Kar Bhi Qaza Hoti Rahe Gi
Gasib Ko Bura Kehna Khata Hai Tu Ye Sun Lo
Zahra Ki Qasam Phir Ye Khata Hoti Rahe Gi
Ay Sheikh Yeh Dewar e Haram Jur Nahi Sakti
Yeh Toot Ke Maula Pe Fida Hoti Rahe Gi
Hum Yad Dilaein Gaye Ali Un Waliullah
Yeh Sunat e Zahra Tu Ada Hoti Rahe Gi
Zahra Tere Romal Ko Darkar Hain Moti
Ashkon Ki Kharedari Sada Hoti Rahe Gi
