Allah Hussain sabr tera kitna bara hai
Bete ka jigar nikla
Hua dekh raha hai

Zalim hai ke Akbar ki
Haye reesh nochkar
Phir samne pidar ke
Sar kaat raha hai

Bole Hussain Akbar
Se bhid hatate
Aye zalimo na khuchlo
Ye nazo se pala hai

Haye tuti pasliyo se
Uthati thi ma jise
Tuti qamar se beta
Uthane ko chala hai

Boli Sakina Abid
Ka shana hilakar
Bhaiya uthao jaakar
Mera baba gira hai

Laila to apni duniya
Bas dekhti rahi
Sartaj par gharibi
Bete pe qaza hai

Aise gira ke chehra
Jaa khak par laga
Kitna Hussain logo
Zaifi se lada hai

Sughra ko kaise qasid
Doge jawab tum
Khat ka jawab Akbar
Ne sine pe likha hai

Poet: Syed Jon Shah

Soz: Shahzaib Hassan Bangali

Matami Sangat: Anjuman e Hussainia Sadar Lahore