Haye Abbas Haye Abbas
Aal E Imran Kahan Aur Zindan Kahan
Le Behan Qaid Hui
Tu Na Aya Ghazi
Jab Rida Sar Se Chini Main Sada Deti Rahi
Tu Na Aya Ghazi
Agayi Sham E Alam Lut Gaye Ahl E Haram
Rait Per Jalti Hui Hogaya Thanda Alam
Pursa Dene Ke Liye Mujh Se Milne Ke Liye
Agaye Baba Ali
Dhoop Main Tu Tha Shajar Tujh Se Abad Tha Ghar
Hai Barhena Mera Sar Kya Nahi Tujh Ko Khabar
Aye Alamdar E Wafa Is Behan Ko Ba Khuda
Tujh Se Dharas Thi Bari
Kya Kahun Sher Mere Be Rida Hum Ko Liye
Ye Musalman Sare Shehr Dar Shehr Gaye
Khilqat E Kufa Kabhi Khilqat E Sham Kabhi
Baraha Hum Pe Hansi
Kitni Bebas Thi Behan Aye Shehanshah E Wafa
Naam Le Le Ke Mera Jab Ye Zalim Ne Kaha
Naaz Tha Jis Pe Tujhe Ab Bulao Na Usay
Aur Main Roti Rahi
Hum Ko Pani Na Mile Teri Khushboo Tou Rahe
Tere Bazu Na Katein Chahe Mashkeza Chide
Ye Magar Ho Na Saka Tere Bazu Hain Juda
Mujh Pe Hai Tashna Labi
Kya Sakina Se Kahun Aye Mere Dil Ke Sukoon
Haye Pani Ke Liye Beh Gaya Sub Tera Khoon
Ab Koi Aas Nahi Tu Mere Pass Nahi
Rasi Shano Main Bandhi
Jab Chali Sheh Pe Churi Aye Mere Sher E Jari
Hath Malti Thi Behan Kuch Qadam Dur Khari
Kaat Gaya Sheh Ka Gala Haye Bhai Ne Sada
Tujh Ko Har Zarb Pe Di
Qaid Khane Main Qaza Jab Sakina Ko Mili
De Ke Kurte Ka Kafan Bachi Dafnayi Gayi
Us Ghari Naam Tera Surat E Naad E Ali
Bas Main Dohrati Rahi
Roya Rehan Kalam Kar Ke Ye Baat Rakam
Khoon Main Doob Gaya Mere Ghazi Ka Alam
Zakhmi Zainab Ka Jigar Khoon Fishan Shah Ka Sar
Aye Khaimon Main Shaqi
