Sab Thaat Para Reh Jaye Ga
Barwaan Haider Ayega Aur Duniya Pe Chah Jaye Ga
Us Roz Se Kaabe Ki Chat Par Bas Aik Alam Lehraye Ga

Aane Wala Parde Se Jab Ayega
Ghar Ghar Pe Ghazi Ka Alam Lehraye Ga

Pehlu Main Sone Waale Hoshiyaar Rahein 
Qabr Se Bhi Murdon Ko Uthaya Jaye Ga

Taigh E Ali Barh Barh Ke Kahe Gi Maidan Main
Bhaagne Wale Bach Ke Kahan Tu Jaye Ga

Bolne Waale Tu Bhi Tou Itna Soch Ke Bol
Chand Pe Thooka Apne He Mun Pe Ayega

Munkir E Zehra Jal Jal Ke Mar Jayein Ge
Sacha Momin Us Din Eid Manaye Ga

Phir Fatwon Ke Karobaar Nahi Honge
Deen Nabi Ka Waris E Deen Sikhaye Ga

Wo Jis Ko Ye Sara Zamana Bhool Chuka
Khoyi Hui Tehzeeb Ko Wapas Laye Ga

La Waris Ye Qoum Nahi Sabit Hoga
Har Momin Ka Daawa Sach Ho Jaye Ga

Aman O Amaan Se Bhar Dega Is Duniya Ko
Noor E Khuda Ko Duniya Main Phailaye Ga

Mazhar O Mesum Uske Sipahi Ban Jaye
Ek Lashkar Jo Mola Saath Main Laye Ga