Amad Amad Haram E Shah Ki Darbar Mein Hai
Subh Se Jashan Ka Gul Sham Ke Bazar Mein Hai
Shor E Fariyad O Buqa Itrat E Athaar Mein Hai
Hukum Aya Hai Aseeron Ko Barabar Maro
Jashan Ka Waqt Hai Durre Inhein Hans Kar Maro
Ek Manadi Ye Nida Deta Hai Aao Logo
Baghi Aaye Hain Inhein Shook Se Pathar Maro
Haye Khoon Main Dooba Hua Sadaat Ka Har Chehra Hai
Girya Kar Sakte Nhi Aah Pe Bhi Pehra Hai
Sang Bari Ki Aziyat Bhi Bari Hai Lekin
Zakham Sadke Ki Khajoron Ka Bohat Gehra Hai
Haye Dekh Kar Aal E Muhammad Ko Hanse Jate Hain
Log Har Mor Pe Bas Tanay Diye Jate Hain
Chadarein Kya Hain Kafan Bhi Nahi Deta Koi
Zinda Lashe Liye Sajjad Chale Jate Hain
Mustakil Aal E Muhammad Main Azadari Hai
Aur Beemar Ki Ankhon Se Lahu Jari Hai
Be Rida Sham Ke Bazar Main Aate Hain Haram
Aisa Lagta Hai Kisi Eid Ki Tayyari Hai
Haye Jholi Bhar Bhar Ke Sitamgar Hain Laye Pathar
Patharon Ne Bhi Hain Hathon Main Uthaye Pathar
Nok E Naiza Se Gira Khak Pe Sar Asghar Ka
Chote Bachon Se Sakina Ne Jo Khaye Pathar
Bab E Saat Pe Bhi Zakhmo Se Bhare Hain Qaidi
Hai Waram Paon Pe Paidal Jo Chale Hain Qaidi
Ary Log Tasheer Ke Khanjar Liye Amadah Hain
Teen Din Ho Gaye Maqtal Main Khare Hain Qaidi
Haye Darbar Main Jane Ki Ghari Kesi Thi
Honsla Deti Rahi Sab Ko Ali Ki Beti
Sath Sau Kursi Nashi Dur Se Dekhe Jis Dum
Thaam Kar Apni Qamar Bint E Ali Beth Gayi
Wada Beti Se Nibhane Ke Liye Aaye Ali
Sani E Zahra Takallum Paye Tazeem Uthi
Is Gareebi Pe Tarapne Lagi Rooh E Zehra
Baap Ke Sath Jo Beti Sar E Darbar Gayi
