Kaba Hai Siahposh Falak Mehwa e Buka Hai
Ye Gumbad e Aflaak Se Kyun Shor Utha Hai
Kohram Baqaiyya Ki Fizaon Mein Bapa Hai
Ye Kaun Gira Reti Par
Tha Waqt e Asr Arsh e Moalla Pe Shor Tha
Wa Hasrata Ke Zeen Se Zameen Par Koi Gira
Kaapi Zameen Chashme Malaaek Ko Yun Laga
Quran Rehle Zeen Se Sare Farsh Gir Para
Deeware Kaaba Baith Gayi Arsh Gir Para
Girte He Iske Kaabe Ki Deewar Gir Gayi
Sar Aasman Ka Jhuk Gaya Dastaar Gir Gayi
Insaniyat Ki Dehr Mein Sarkar Gir Gayi
Zakhmon Se Choor Choor Hai Jhuk Kar Kamaan Hai
Hairaan Hai Maut Khauf Nahi Itminaan Hai
Yeh Ho Gaya Maaloom Ye Khaasaane Khuda Hai
Yeh Aisa Bashar Hai Jo Zamane Se Juda Hai
Kaunain Main Kyun Iske Liye Hashr Bapa Hai
Kyun Iske Liye Arsh e Moalla Pe Hai Matam
Rote Hain Nabi Saare Siyahposh Hain Adam
Yeh Mard e Khuda Shah e Arab Aala Nasab Hai
Alhamd Se Wannaas Talak Iska He Sab Hai
Baba Ka Nasab Maa Ka Hasab Iska Hasaab Hai
Teeron Ke Musalle Pe Jo Sajde Main Gira Hai
Islam Isi Sar Se Madad Maang Raha Hai
Ay Shah e Mashraqain Hamara Salam Le
Haider Ke Zeb o Zain Hamara Salam Le
Zehra Ke Dil Ka Chain Hamara Salam Le
Insaniyat Ke Deen Ka Imaan Ka Salam
Kar Le Qubool Sarwaro Rehan Ka Salam
