Mil Saka Na Jab Ali Akber Ka Laasha Dair Tak
Ghutniyo Chalte Rahe Maqtal Main Maula Dair Tak
Jane Kis Tarha Tamache Shimr Ne Mare Use
Siskiyan Leti Rahi Pyaasi Sakina Dair Tak
Laasha E Abbas Ke Tukro Ko Rakh kar Qabr Main
Jaane Kya Kehte Rahe Sajjad Maula Dair Tak
Aapka Qasim Yehi Hai Shah Ko Kehna Para
Maa Kahan Pehchan Payi Apna Beta Dair Tak
Do Kate Haathon Ka Tha Zainab Ko Itna Intezaar
Khaak Par Rakhe Rahi Lashe Sakina Dair Tak
Jab Kaha Mukhtar Ne Ayy Shimr Tu Khud He Bata
Kis Liye Tarpe Zyada Mere Maula Dair Tak
Shimr Bola Kya Bataun Mera Khanjar Kund Tha
Is Liye Tarpe Zyada Tere Maula Dair Tak
Le Gaya Tha Shimr Tu Sar Kaat Kar Shabbir Ka
Laash Par Roti Rahi Bete Ki Zahra Dair Tak
Tha Takallum Mar Ke Bhi Aun O Mohammad Ka Jalaal
Taigh Ka Qabza Na Shehzado Ne Chora Dair Tak
