Tumhara Gham Rahe Zinda Hamesha Karbala Walo
Duaein Deti Hain Tum Sab Ko Zahra Karbala Walo
Lahu Main Doob Kar Apne Kiya Serab Dariya Ko
Tumhari Pyas Ka Ab Tak Hai Charcha Karbala Walo
Koi Pyasa Nhi Duniya Main Ab Itni Sabeelein Hain
Tumhara Hogaya Sara Zamana Karbala Walo
Aye Chand Karbala Ke Tu Ne Tou Dekhe Honge
Utre Thy Is Zameen Par Arsh E Bari Ke Taare
Hum Apne Marne Walo Ka Bhi Gham Karte Nhi Is Main
Muharram Hai Tumhara Aur Rahe Ga Karbala Walo
Imam E Asr Se Keh Do Kisi Surat Chale Aaye
Sakina Shaam Main Ab Tak Hai Tanha Karbala Walo
Khuda Par Baat Ajaye Tou Sar Pyara Nhi Karte
Sikhaya Tum Ne Sab Ko Saliqa Karbala Walo
Tumhare Naam Ki Majlis Har Ik Shadi Main Hoti Hai
Khushi Main Bhi Tumhara Gham Hai Taza Karbala Walo
Tumhara Marte Dum Tak Rasta Takti Rahi Sughra
Madine Tum Nhi Aaye Dubara Karbala Walo
Ary Na Jane Kitne Din Karti Rahi Hai Dhoop Sehra Ki
Tumhare Be Kafan Lasho Pe Saya Karbala Walo
Ali Ki Betiyon Ke Sath Pathar Tum Ne Khaye Hain
Gaye Naizo Pe Jab Tum Shaam O Kufa Karbala Walo
Ary Kahin Pani Pilane Par Takallum Ko Bhi Rakh Lena
Jahan Main Aaoge Jab Tum Dubara Karbala Walo
