Ki Tu Ne Zindagani Sachon Ke Naam Fizza
Tujh Pe Durood Fizza Tujh Pe Salam Fizza
Jab Jab Bhi Zikr Hoga Daarein Main Wafa Ka
Ghazi Ke Sath Hoga Tera Bhi Naam Fizza
Yasrab Main Karbala Main Bikhra Tera Hunar Hai
Paale Hain Is Tarhan Se Tu Ne Imam Fizza
Rutba Nhi Mila Ye Haq Se Kisi Bashar Ko
Kar De Kalam Tera Rab Ka Kalam Fizza
Bebas Kiya Hai Tu Ne Aise Yazeediyat Ko
Ab Tak Laraz Raha Hai Darbar E Shaam Fizza
Kehte Hain Tujh Ko Amma Deen E Khuda Ke Mohsin
Lazim Hai Tujh Ko Likhun Ismat Maqam Fizza
Baad Az Batool Tujh Ko Beti Kahe Muhammad
Wajib Sabhi Pe Tera Hai Ehtaram Fizza
Mehshar Main Kibriya Jab Puche Tera Irada
Behlol Ko Batana Apna Ghulam Fizza
