Salami Kehte Thy Aada Rulao Zainab Ko
Sar E Hussain Sina Par Dikhao Zainab Ko
Hussain Imam Ko Jis Se Kiya Hai Ran Main Shaheed
Wo Khoon Bhara Hua Khanjar Dikhao Zainab Ko
Na Nikle Dukhtar E Zahra Jo Khaime Se Bahar
Pakar Ke Hath Abhi Khench Lao Zainab Ko
Rida Jo Ap Se Dewe Na Dukhtar E Zahra
Barhena Teg Dikha Kar Darao Zainab
Jakar Ke Laye Hain Khyber Shikan Ki Beti Ko
Ye Keh Ke Shaam Main Dar Dar Phirao Zainab Ko
Lipat Kar Lasha E Sheh Se Ye Boli Binte Ali
Khuda Ke Wastay Bhaiya Bulao Zainab Ko
Gala Katane Diya Kyun Na Apne Badle Mujhe
Main Tum Se Rooth Gayi Hoon Manao Zainab Ko
Jagane Agaya Naize Se Us Ghari Zalim
Kaha Jo Fizza Ne Kuch Pal Sulao Zainab Ko
Anees Ahle Haram Main Bapa Hua Mehshar
Kaha Jo Hakim E Azlam Ne Lao Zainab Ko
