Aake Rassiyon Se Sakina Ko Chura Lo Baba
Mein Hoon Mushkil Main Mujhe Paas Bula Lo Baba
Neend Aati Nahi Sone Se Bhi Dar Lagta Hai
Loon Jo Karwat Tou Mere Khano Se Khoon Rista Hai
Apne Seene Pe Ghari Bhar Ko Sulaa Lo Baba
Tere Qaatil Mujhe Rone Se Mana Karte Hain
Jab Bhi Roti Hoon Tou Abid Pe Sitam Karte Hain
Khul Ke Ro Loon Magar Naize Pe Utha Lo Baba
Bhagte Ountho Se Baba Main Kayi Baar Giri
Dur Bhi Cheene Mere Dekho Meri Poshak Jali
Mujh Ko Zindan Ke Andheron Se Nikalo Baba
Shimr Se Mangu Jo Pani Tou Jhirak Deta Hai
Aur Mere Samne Matti Pe Gira Deta Hai
Bhej Ke Ghazi Ko Do Ghont Manga Do Baba
Na Koi Mujh Ko Bulata Hai Sakina Keh Ke
Shaam Ke Log Bulate Hain Yateema Keh Ke
Thokarein Khati Sakina Ko Sambhalo Baba
Baal Khenche Hain Mere Rukh Pe Tamache Mare
Dekh Ke Ghazi Ke Sar Ko Rahe Haste Sare
Haye Zara Apna Wafadar Jaga Lo Baba
