Ayy Bad e Saba Jaake Ye Amu Ko Batana
Piyasi Hai Sakina
Iss Chote Se Sin Main Yeh Sitam Main Ne Uthaye
Allah Kissi Ko Na Yateem Aisa Banaye
Khud Apne Laho Mein Koi Bachi Na Nahaye
Main Tum Ko Bolati Rahi Tum Bhi Tu Na Aye
Main Ban Gayi Bad Asal Laeeno Ka Nishana Pyasi Hai Sakina
Pani Ki Talab Mujh Ko Khilati Rahi Thokar
Kehta Tha Laeen Doon Ga Main Fojon Ko Pila Kar
Jab Shimar Laeen Kar Chuka Sairab Yeh Lashkar
Dikhla Ke Mujhe Phaink Diya Pani Zameen Par
Tab Samjhi Main Kya Hoota Hai Umeed Dilana Pyasi Hai Sakina
Ik Jaam Howa Sham e Ghareeban Main Muyasar
Woh Koza Main Rakh Ayi Thi Asghar Ki Lahad Par
Tha Mujh Se Bhi Chota Mera Bahiya Mera Dilbar
Sharminda Main Ho Jati Chacha Pyas Bhuja Kar
Ab Apne He Hathon Se Meri Pyas Bhujana Pyasi Hai Sakina.
Ik Rasi Main Hum Sab Ke Gale Bandh Ke Aada
Karte Howa Tasheer Chale Janib e Kufa
Our Oss Pe Musibat Ye Thi Qad Chota Tha Mera
Uthti Thi Jo Phuphiyaan Tu Gala Khichta Tha Mera
Gardan Ka Mere Zakhm Chacha Dekhne Aana Pyasi Hai Sakina
Jis Roz Se Asghar Ko Mila Baba Ka Seena
Oss Roz Se Ammo Nahi So Payi Sakina
Iss Haal Mein Jaon Gi Main Kis Tarha Madina
Aa Jaye Maut Hai Kis Kam Ka Jeena
Jagi Hon Bohat Aa Ke Chacha Mujhe Sulana Pyasi Hai Sakina
Ghar Laut Ke Jate Hain Har Ik Sham Parinde
Qismat Mein Likhe Hain Meri Zindaan Ke Andhere
Kab Tak Main Jiyon Gi Youn He Ashkon Ke Sahare
Lagta Hai Keh Mar Jaon Gi Ab Door Watan Se
Ho Ga Na Mayasar Mujhe Ghar Laut Ke Jana Pyasi Hai Sakina
Anwar Ye Sada Parcham e Abbas Se Ayi
Main Bhool Nahi Sakta Sakina Meri Bachi
Kate Gaye Bazu Mere Majboor Tha Bibi
Mashkeeza Alam Mein Hai Laga Dekh Le Ab Bhi
Parcham Ka Mere Kam Hai Dunya Ko Batana Pyasi Hai Sakina
