So Rahe Hain Sab Mere Waali O Dilbar Rait Par
Bano Bethi He Rahain Gi Zindagi Bhar Rait Par
Hoti Chadar Saya Karti Haye Kitne Haye Dhoop Hai
Soraha Hai Aag Ke Maidan Main Akbar Rait Par
Piyas Main Bachon Ke Kuch Hojati The Shiddat Siwa
Phaikta Thy Jab Adu Pani Dekha Kar Rait Par
Jhola Tera Jal Gaya Tu Kya Howa Aye Mere Laal
Loriyan Dongi Tujhe Aja Leta Kar Rait Par
Baap Ke Seene Par Sir Rakh Kar Jisa Atti Ho Neend
Kese Soye Shah Ke Wo Nanni Dukhtar Rait Par
Sham Ke Rasta Main Sar Shabbir Ka Us Dum Ruka
Gir Gayi Naqa Se Jab Bano Ke Dukhtar Rait Par
Honge Asan Mushkilain Aur Ziyarat e Shabbir Bhi
Jab Anees Hoga Lahad Main Tera Bister Rait Par
