Tu Ayy Taqdeer Taj e Azmat e Kaunain Rakh Dena
Mere Sar Par Mere Sarkaar Ki Nalain Rakh Dena
Ilahi Dekhlu Main Bhi Tu Abru e Mohammad Ko
Meri Aankhein Zara Qausain Ke Mabain Rakh Dena
Kaha Allah Ne Qausain Kab Had Hai Mohammad Ki
Jahan Ye Aap Ruk Jaye Wahi Qausain Rakh Dena
Azeezo Saath Mere Izzat e Darain Rakh Dena
Kafan Ke Saath Main Khaak E Dare Hasnain Rakh Dena
Jo Hai Quran o Itrat Se Gara Palla Do Aalam Ka
Tu Is Naat Mein Ek Qafiya Saqlain Rakh Dena
Farishte Jab Mere Amaal Ke Baare Mein Kuch Puche
Tu Unke Aage Naat e Sarwar e Kaunain Rakh Dena
Sarosh Aankhein Teri Arshe Bari Ki Sair Kar Lengi
Tu Inko Zair e Paaye Sahib e Kausain Rakh Dena
