Mere Mola Mere Mola Ke Bhi Mola Tera
Lab Pe Zahra O Ali Ke Bhi Hai Kalma Tera
Jalwa Gar Dekhi Hai Tauheed O Imamat Is Par
Toor Aur Arsh Se Bhi Uncha Hai Shana Tera
Dono La Raib Hain Ye Bhi Hai Ali Wo Bhi Ali
Ek Allah Tera Ek Hai Banda Tera
Deen Kabhi Ghaar E Hira Se Nahi Ata Bahar
Sath Deti Na Agar Madar e Zahra Tera
Pusht Pe Aaye Jo Shabbir Tu Hota Hai Taweel
Kitna Shabbir Se Manos Hai Sajda Tera
Palne Wala Ko Rab Kehte Hain Jab Ahl E Lughat
Yad Aata Hai Mujhe Paalne Wala Tera
Ek Sheeshi Mein Jahan Khaak E Shifa Rakhi Thi
Sab Se Pehla Wo Aza Khana Tha Hujra Tera
Kis Tarah Aal Ka Nabi Se Taqabul Ho Bhala
Ye Tera Khoon Hai Aur Wo Hai Paseena Tera
Faisla Ashk E Aza Dekh Ke Hoga Mohsin
Kaun Hai Ghair Tera Kaun Hai Apna Tera
