Wo Jis Ka Ashiq Mera Khuda Hai Wo Mustafa Hai
Wo Khud Bhi Jis Ko Durood Parh Kar Pukarta Hai
Wo Mustafa Hai
Sallay Alaa Syedina Ya Mustafa Ya Mustafa
Tha Jis Ka Arsh E Bareen Thikana
Karam Hai Us Ka Zameen Pe Ana
Wo Jis Ke Qadmon Sa Ye Madina
Munawara Hai Wo Mustafa Hai
Gawahi Deta Hai Har Musalman
Usi Ke Sach Sa Jura Hai Kalma
Wo Jis Ke Hone Sa Ye Khula Hai
Koi Khuda Hai Wo Mustafa Hai
Koi Makeen Na Koi Mukaan Tha
Na Ye Zamee Thi Na Aasman Tha
Wo Jis Ki Ulfat Main Khaliq E Kul
Ne Kun Kaha Hai Wo Mustafa Hai
Hai Fatima Jis Ke Dil Ka Tukra
Ali Ke Jesa Wasi Hai Jis Ka
Wo Jis Ka Kalma Hussain Naiza
Pe Parh Raha Hai Wo Mustafa Hai
Ho Naat Bandon Sa Kab Hai Mumkin
Khuda Ka Mamdoh Hai Wo Mohsin
Khuda Ne Jis Ki Sana Main Quran
Likh Diya Hai Wo Mustafa Hai
