Kiya Khuda Ne Irada Tou Kun Ali Ne Kaha
Zameen Pe Khud Ko Utara Tou Kun Ali Ne Kaha
Milaya Khak Main Adam Ki Phele Tou Pani
Khameer Ban Gaya Pura Tou Kun Ali Ne Kaha
Khud Apne Jalwe Se Musa Ko Kar Diya Behosh
Jab Usko Hosh Na Aya Tou Kun Ali Ne Kaha
Dikhaye Phele Tou Sab Mojze Ali Ne Unhe
Jo Jis Nabi Ne Bhi Managa Tou Kun Ali Ne Kaha
Khuda Ke Parde Ka Parda Bhi Tou Bane Koi
Khayal Fizza Ka Aya Tou Kun Ali Ne Kaha
Koi Tou Ho Jise Khaliq Pukare Wajuallah
So Apna Chehra Banaya Tou Kun Ali Ne Kaha
Rasool Chand Ko Do Neem Khud Bhi Kar Dete
Magar Kiya Jo Ishara Tou Kun Ali Ne Kaha
Buraaq Naam Ka Rehwar Koi Tha He Nhi
Magar Nabi Ko Tha Jana Tou Kun Ali Ne Kaha
Jo Qom Ba Izni Tha Akbar Tou Phir Bataye Koi
Kiya Jo Murde Ko Zinda Tou Kun Ali Ne Kaha
