Chala Main Waada Nibhane Salam Maa Ke Mazaar
Salam Nana Ke Roze Salam Maa Ke Mazaar
Main Tera Deen Bachaunga Ayy Mere Nana
Main Apna Khoon Bahaunga Ayy Mere Nana
Hussain Jata Hai Marne Salam Maa Ke Mazaar
Meri Shareek E Safar Ban Ke Saath Chal Amma
Safar Pe Jaata Hu Kapde Mere Badal Amma
Libas E Khuld Saja De Badan Pe Phir Ek Baar
Dua Karo Koi Sar Be Rida Na Ho Amma
Namaz E Shauq E Shahadat Qaza Na Ho Amma
Na Aaye Mere Chaman Pe Sitam Ki Gard O Ghubar
Diye Jalane Ko Nana Tumari Roze Par
Zaroor Aayegi Sughra Har Ek Sham O Sahar
Khuda Kare Rahe Roshan Sada Tumhara Mazaar
Tumhare Jaisa Hai Nana Ye Mera Laal Akbar
Dua Karo Na Lage Isko Aasman Ki Nazar
Lute Na Door Watan Se Hamare Dil Ka karaar
Tamam Phool Se Bache Hai Aur Garm Hawa
Hamare Khoon Ki Pyaasi Hai Fauj E Zulm O Jafa
Safar Main Koi Shajar Bhi Nahi Hai Saya Daan
Ha Ek Phool Tu Aisa Hai Jo Khila Bhi Nahi
Na Paye Paani To Kar Sakta Wo Gila Bhi Nahi
Wo Jis Ke Dahan Se Aati Hai Dudh Ki Mehkan
Meri Sakina Kaha Aur Rasan Ke Band Kahan
Zameen E Garm Pe Chalna Use Pasand Kahan
Qadam Wo Phool Se Nazuk Wo Raste Purkhan
Ye He Hai Sarwar o Rehan Zindagi Ka Sharaf
Kabhi ziyart e Karbobala Kabhi Hai Najaf
Inhi Fizaon Main Ati Hai Shah e Deen Ki Buka
