Nabi Ka Sajda Barhane Wala
Hussain He Tha
Main Kon Hoon Ye Batane Wala
Hussain He Tha
Zameen Pe Yun Uski Zaat Utri
Jinnah Se Takte Thy Ambiya Bhi
Ali Ki Godi Main Aankh Kholi
Khuda Se Aankhein Milane Wala
Jo Utra Zahra Ke Dar Pe Tara
Wo Mojza Tha Faqat Ali Ka
Magar Jo Ghazi Zameen Pe Aya
Wo Chand Tha Aur Bulane Wala
Akele Lakhon Ko Qatl Karna
Ye Kaise Ek Din Main Sab Hua Tha
Baroz E Ashoor Hum Ne Jana
Ke Waqt Ko Bhi Chalane Wala
Sada Ye Zanjeer Zan Ki Ayi
Ke Hum Hain Shabbir Ke Fidai
Lahu Main Doobe Qasam Uthayi
Humari Mitti Banane Wala
Karam Khudai Pe Hai Isi Ka
Jo Baad E Ashoor Hum Hain Zinda
Ke Is Ne Ghazi Ko Roke Rakha
Qayamat Aage Barhane Wala
Hussain Ka Ye Karam Tou Dekho
Jo Pyar Se Dekha Ek Nazar Tou
Wahin Bahtar Sahabiyon Ko
Hussain Jaisa Banane Wala
Kiya Sakina Ka Zikr Maine
Tou Ek Khushboo Si Ayi Jaise
Abhi Koi Guzra Ho Yahan Se
Samajh Main Aya Ke Ane Wala
Kiya Hai Akbar Pe Saya Kis Ne
Ye Waqt E Aakhir Bhi Dekh Lijiye
Ke Kon Ata Hai Peeche Peeche
Jo Mur Ke Dekha Tou Ane Wala
Ye Naaz Haider Hai Kibriya Ka
Hussain Sa Koi Kaise Hoga
Ke Koi Hum Naam Bhi Nhi Tha
Ye Naam Duniya Main Lane Wala
