Qasim Hai Mera Naam Hassan Ka Hon Main Beta
Main Maut Ki Nemat Abhi Taqseem Karunga
Mat Sochna Main Pehle Pahal Ran Main Khara Hon
Abbas Ka Shagird Hon Sab Seekha Hua Hon
Tum Kya Ho Hara Sakta Hon Main Maut Ko Panja
Daawat Ho Aasheera Ki Ya Siffeen Ka Hamla
Raas Aata Nahi Tum Ko Ali Tera Baras Ka
Ayy Shamiyo Is Waqt Meri Umr Hai Tera
O Arzq e Shami Main Muqaddar Ka Dhani Hon
Tum Paanchon Ko Bhejoonga, Saqar Panjeeni Hon
Batla Do Alag Marna Hai Ya Sab Ne Ikhatta
Dushman Ka Khud Kaat Ke Sar Se Nikal Gayi
Khoon Pee Ke Halq e Baani e Shar Se Nikal Gayi
Zakhmi Ki Aah Ban Ke Jigar Se Nikal Gayi
Dil Mein Na Jee Laga Tu Kamar Se Nikal Gayi
Chalaayi Maut Ab Ye Shaqi Zer Hoga
Sher e Khuda Ke Sher Ka Dil Sher Ho Gaya
Baba Ne Tu Aik Mard Ko Aurat Tha Banaya
Tum Pehle He Naamard Ho Larna Nahi Aata
Talwar Nahi Shaam Se Ab Chooriyan Laana
Main Ghol Doon Paani Main Agar Ghaiz Ko Ghazab Ko
Aik Ghoont Main Pee Ajal Dasht Mein Sab Ko
Baap Ki Qasam Zahr e Halaahal Ho Ye Dariya
Gustakh e Hussain Ibn e Ali Saamne Aaye
Baiat Jise Leni Hai Zara Haath Barhaaye
Ammu Ki Qasam Hath Qalam Kar Doon Ga Us Ka
Ye Dulha Ki Talwar Dulhan Ban Ke Chalegi
Tum Sab Ko Lagaaye Gi Abhi Khoon Ki Mehndi
Parday Mein Chale Jao Ge Ghoonghat Jo Uthaya
Sajjad Kaha Us Ne Na Ghazi Ko Bulaao
Pehle Zara Qasim Ko Tu Maidaan Main Haraao
Wo Tum Se Larenge Nahi Mayaar Hai Un Ka
