Karbala Basa Kar Apna Ghar Luta Kar
Goud Ke Sabhi Palay Rait Main Chupa Kar
Karbala Se Shaam Ja Rahe Hain Hussain
Naize Pe Quran Suna Rahe Hain Hussain
Jang E Karbala Ko Main Ne Fatah Kar Liya
Fatah E Damishq Hogi Bint E Syeda
Ye Qadam Qadam Bata Rahe Hain Hussain
Bibiyon Ke Sar Khulay Koi Na Dekh Le
Har Nigah Meri Simt He Jami Rahe
Sab Ko Mojiza Dikha Rahe Hain Hussain
Bain Thy Sakina Ke Main Ro Nahi Saki
Baba Kitne Din Huwe Main So Nahi Saki
Lori Beti Ko Suna Rahe Hain Hussain
Be Rida Haram Hain Chaar Simt Ahl E Shar
Khoon Ro Raha Hai Sarban Jhukaye Sar
Uska Hosla Barha Rahe Hain Hussain
Aag Aur Pathron Ki Barishein Hui
Zakhmi Sar Behen Ka Hai Lahu Lahu Jabeen
Zakhm Pathron Se Kha Rahe Hain Hussain
Jab Suna Ye Sheereen Ne Tou Rok Di Sada
Jaag Utha Naseeb Mera Aye Mere Khuda
Aaj Mere Ghar Pe Aa Rahe Hain Hussain
Bete Bhanje Bhateeje Ban Mein So Chuke
Alqama Pe Sher Jaisa Bhai Kho Chuke
Wada Aakhri Nibha Rahe Hain Hussain
Kafle Se Mutmain Imam Ho Gaye
Shaam Pohanche Khatam Sare Kaam Ho Gaye
Nana Se Duaein Pa Rahe Hain Hussain
Maante Hain Matami Bhi Aur Farhan Bhi
Dastaan E Gham Safar Ki Mazhar Abidi
Likh Raha Hoon Main Likha Rahe Hain Hussain
