Sab Ki Ridaon Ka Nigahdaar Hai
Ghazi Mera Aisa Wafadaar Hai
Cheen Nahi Sakta Koi Chaadrain
Jab Talak Abbas Alamdaar Hai
Ye Keh Ke Behnon Ko Zainab Ka Tasalli Dena
Abbas Hai Na
Har Ek Behan Ko Bhai Pe Maan Hota Hai
Jahan Main Bhai Tu Behnon Ki Jaan Hota Hai
Ghamon Ki Dhoop Main Wo Sayeban Hota Hai
Bas Is Yaqeen Se Khaimon Main Mutmain Rehna
Haram Ki Aas Bandhati Raho Meri Khwahar
Bataon In Ko Bharosa Kitna Ghazi Par
Rahain Wo Bazu Salamat Dua Karo Mil Kar
Nazar Utha Ke Dar E Khaima Par Tu Dekho Na
Isi Ke Saath Ammari Main Aayi Thin Ghar Sa
Bohat Mujhe Bhi Hai Dharas Isi Baradar Sa
Na Hone Dega Wo Mehroom Hum Ko Chadar Se
Barhein Jo Ranj Ke Saye Tu Bas Yehi Kehna
Dikhayi De Tumhe Jis Dam Yazeed Ka Lashkar
Dikhayein Wo Tumhein Talwar O Neiza O Khanjar
Chamakhte Naizon Pe Parh Jaye Gar Tumhari Nazar
Tum Apne Dil Main Jagah Khauf Ko Nahi Dena
Kaha Ye Ghazi Ne Kulsoom Se Meri Khwahar
Fida Hussain Pe Har Maa Karegi Apne Pisar
Jo Tere Beta Nahi Hain Tu Koi Gham Na Kar
Teri Taraf Sa Fida Shah Pe Hone Ko Behna
Phuphi Ye Boli Sakina Se Ayy Meri Bachi
Chacha Sa Kehdo Wo Le Aayenge Abhi Paani
Ye Mashk Kya Hai Wo Dariya Utha Ke La Dain Abhi
Bas Apni Aankh Main Aansu Nahi Aane Dena
Bayan Kaise Wo Manzar Ho Dono Janib Ka
Udhar Tarai Pe Ghazi Ka Mashk Ko Bharna
Katay Jo Baazu Chhidi Mashk Saara Paani Baha
Idhar Sakina Ka Pyason Ko Dilasa Dena
Tere Hasham Pe Hain Qurbaan Mazhar O Farhan
Alam Gharon Pe Lagata Hai Aaj Saara Jahan
Hai Tu He Ab Bhi Ghareebon Ka Bekason Ka Maan
Alam Ko Dekh Ke Har Waqt Bas Yehi Kehna
