Aa Mere Ghazi Main Hogayi Be Parda
Bazar Aagaya Ghazi Tu Laut Aa
Sar Per Nahi Rida Ghazi Tu Laut Aa
Balon Sa Munh Chupaye Chalti Hoon Sar Jhukaye
Majma Ye Shamiyon Ka Mujh Ko Na Dekh Paye
De Mujh Ko Hosla Ghazi Tu Laut Aa
Sab Hans Rahe Hain Koi Ata Nahi Bachane
Beemar Har Qadam Per Khata Hai Taziyane
Sajjad Ko Bacha Ghazi Tu Laut Aa
Har Ghar Se Garam Pani Phenka Gaya Hai Hum Par
Kaante Biche Huwe Hain Bhai Qadam Qadam Par
Mushkil Hai Rasta Ghazi Tu Laut Aa
Badla Liya Hai Sab Ne Ghar Se Nikal Nikal Kar
Zainab Ko Shamiyon Ne Maare Hain Itne Pathar
Sar Zakhmi Hogaya Ghazi Tu Laut Aa
Baalon Se Jab Pakar Kar Shimar E Laeen Ne Mara
Kehti Rahi Sakina Sar Dekh Kar Tumhara
Mar Jaongi Chacha Ghazi Tu Laut Aa
Panjo Pe Chal Rahi Hai Kab Se Meri Sakina
Bazu Mere Bandhe Hain Dam Ghut Raha Hai Uska
Raasi Main Hai Gala Ghazi Tu Laut Aa
Amma Ki Tarhan Mujh Ko Ye Gham Bhi Hai Uthana
Mujh Ko Bhi Mere Bhai Darbar Main Hai Jana
Zahra Ka Wasta Ghazi Tu Laut Aa
Zeeshan Kaise Likhe Farhan Gham Ka Manzar
Gairat Ke Badshshah Ka Naize Se Gir Gaya Sar
Zainab Ne Jab Kaha Ghazi Tu Laut Aa
