Kabhi Khali Hujron Main Kabhi Dehleez Par Ja Kar
Sughra Ne Aansuon Ke Kitne Diye Jalaye
Ayy Kash Mera Kunba Wapas Watan Ko Aye
Pardes Jane Wale Phir Laut Kar Na Aye
Baithi Rahi Wo Dar Par Bas Aas He Lagaye
Jab Chand Dekhti Hai Wo Eid Ka Falak Par
Kuch Chaand Apne Ghar Ke Sughra Ko Yaad Aaye
Barhte He Ja Rahe Hain Ranj O Alam Ke Saye
Veeran Ghar Main Mujh Ko Tanhayi Khaye Jaye
Wada Kiya Tha Mujh Se Aaunga Lene Behna
Dam Aa Gaya Labon Par Bhaiya Magar Na Aaye
Pardes Ja Ke Akbar Bhoole Hain Apna Wada
Bhaiya Ko Yad Wada Ja Kar Koi Dilaye
Akbar Se Ja Ke Kehna Marti Hai Teri Sughra
Jab Karbala Ki Janib Yasrab Se Koi Jaye
Ro Ro Ke Eid Guzri Nauroz Bhi Guzara
Bichhre Hon Jis Ke Apne Wo Eid Kya Manaye
Sughra Ne Khat Mein Likha Bekaar Hai Ye Jeena
Na Maut Aayi Mujh Ko Baba Na Aap Aaye
Shayad Mubahila Ki Phir Aa Pare Zarurat
Zahra Ki Betiyon Ko Shabbir Saath Laye
Chehre Pe Ungliyon Ke Ab Tak Nishaan Hain Baqi
Zindan Main Sakina Roti Hai Muh Chupaye
Tum Ahl e Ashqiya Kya Quran Samajh Sakoge
Akhtar Faqeer Ki Jo Batein Samajh Na Paaye
