Choom Kar Zainab Ki Chadar Murtaza Rote Rahe
Sham Ki Qaidan Ko Keh Ke Alvida Rote Rahe
Aaj Kyun Aya Nahi Hai Rizq Hum Ko Bantne
Kufe Ki Galiyon Main Sab Be Asra Rote Rahe
Chooma Hai Shabbar Ka Seena Aur Gala Shabbir Ka
Zehar Aur Khanjar Ka Kar Ke Tazkara Rote Rahe
Tum Ho Fateh Karbala Ke Aur Zainab Shaam Ki
Keh Ke Yeh Shabbir Se Haye La Fata Rote Rahe
Fatima Ke Baad Main Ne Naaz Se Paala Tumhein
Keh Ke Haye Shaam Haye Karbala Rote Rahe
Kya Karein Sajjad O Asghar Wo Bhala Manzar Bayan
Keh Ke Maula Betiyon Ko Alvida Rote Rahe
