Aa Gaya Mah e Rajab Zkir e Ali So Bar Sun
Jashan Kar Masti Main Aa Narey Laga Ashar Sun

Youn Chali Kat Kar Zaban e Meesum e Tammar Sun
Khanjron Ne Khoon Thooka Ho Gayi Talwar Sun

Inn Ragoon Main Dorta Hai Raat Din Ishq e Ali
Ho Nahi Sakti Hamare Khoon Ki Raftar Sun

Jashan e Haider Main Hai Sab Aflak Ke Nama Nigar
Baith Kar Farsh e Wila Par Arsh Ke Akhbar Sun

Munkir e Shan e Ali Khum Main Samaat Kho Chuka
Kyun Kahoon Behray Sa Madh e HAider E Karrar Sun

Kya Howa Aa Kar Ali Ke Samne Marhab Tujhe
Hath Sun Osan Sun Rahwar Sun Talwar Sun

Shor e Mehfil shor e Majlis Shor e Matam Gar Ruka
Cheekh Uthay Gi Khudai Ho Gaya Sansar Sun

Aik Shab Aya Jo Mere Khuwab Main Shimar Laeen
Iss Qadar Mare Tamachy Kar Diya Rukhsar Sun

Mir Sa Pehle Sunaye thy Shair Teht Ul Lafz Main
Ab Takallum Sa Taranum Main Wohi Ashar Sun