Teen Shaban Ka Din Shuru Ho Gaya
Aaftab e Shahadat Tulu Ho Gaya
Muskarane Lage Do Jahan Ke Makeen
Kaun Aaghosh e Zahra Mein Hai Yeh Haseen
Jab Nigahen Milin Noor Se Noor Ki
Khush Huyin Bol Uthin Syeda
Aaj Mera Hussain Aa Gaya
Fatima Ne Kaha Mere Noor e Nazar
Bin Tumhare Adhoora Adhoora Tha Ghar
Kibriya Ki Qasam Tum Na Aate Agar
Tum Se Milne Mein Aa Jaati Khud Arsh Par
Rab Se Maangun Ab Aur Kya
Arsh Wale Bhi Maujood Hain Saf Ba Saf
Muskarakar Pukaray Yeh Shah e Najaf
Aisa Beta Mila Hai Ye Mera Sharaf
Aur Phir Dekh Kar Fatima Ki Taraf
Murtaza Ne Kaha Shukriya
Fatima Phir Hassan Se Ye Kehne Lageen
Apko Mubarak Ho Aye Dil Nasheen
Jis Ka Tha Intezar Aa Gaya Wo Haseen
Aaj Meri Khushi Ka Thikana Nahin
Dil Mera De Raha Hai Sada
Rukh Muhammad Ne Dekha Tu Rukh Khil Gaya
Muskarakar Kaha Aaj Sab Mil Gaya
Aaj Seene Main Is Ke Mera Dil Gaya
Ayy Mere Deen Ab Waqt e Mushkil Gaya
Mil Gaya Tujh Ko Mushkil Kusha
Do Jahan Ke Maseeha Ka Rukh Dekh Ke
Apne Fitras Se Jibraeel Ja Kar Mile
Muskara kar Ye Jibraeel Kehne Lage
Teri Parwaz Ke Phir Se Din Aa Gaye
Tujh Ko Ho Jaayenge Par Ata
Karbala Ki Zameen Bol Uthi Jhoom Ke
Muntazir Thi Main Mushkil Kusha Ke Liye
Aaye Kitne Nabi Aa Ke Jaate Rahe
Karb Se Mujh Ko Azaad Na Kar Sake
Intezar Ab Mukammal Hua
Farsh Par Hai Nuzool Aaj Quran Ka
Eid e Akbar Din Teen Shaban Ka
Martaba Barh Gaya Aur Insaan Ka
Dekho Chehra Munawwar Hai Zishan Ka
Jashn Kyun Na Manayein Raza
