Jab Suni Shah Ne Aawaz Jawan Bete Ki
Lash Per Aa Ke Ye Farmane Lage Sibt E Nabi
Ab Ankhain Khol Do Akber Sirhane Aagaya Baba
Zaeefi Main Jawan Lasha Uthane Aagaya Baba
Ab Ankhain Khol Do Akber Sirhane Aagaya Baba
Guzar Jayen Gain Ham Is Imtehan Se Ya Ali Keh Kar
Nikal Jaye Gi Ye Barchhi Na Ghabrana Mere Dilbar
Tumhara Hath Seene Se Hatane Aagaya Baba
Unho Ne Kya Samajh Rakha Tha Akbar Be Sahara Hain
Ishare Se Bata Do Kisne Kisne Tum Ko Mara Hai
Ulat Kar Aastin Mehshar Uthane Aagaya Baba
Chali Aayi Thi Aadhe Raste Tak Sani E Zehra
Bari Mushkil Se Bheja Hai Qasam De Kar Teri Beta
Behen Kaise Tarapti Hai Batane Aagaya Baba
Kaha Tha Kis Ne Seene Main Tumhare Toar Kar Naiza
Ye Manzar Dekh Kar Shabbir Zinda Reh Na Paye Ga
Khabar Kar Do Usse Barchi Churane Aagaya Baba
Lare Ho Dair Tak Thak Tu Gaye Ho Ge Mere Dilbar
Mujhe Mat Rookna Hargiz Tumhain Meri Qasam Akbar
Tumhare Chand Se Bazoo Dabane Aagaya Baba
Uthata Dhoom Se Maiyat Agar Hota Madine Main
Kafan Main De Nahi Sakta Yehi Hai Dard Seene Main
Amama Tum Ko Nana Ka Urhane Aagaya Baba
Jo Rota Dekhti Mujh ko Tarap Jati Meri Madar
Main Khul Kar Roo Nahi Paya Muhammad Ke Janaze Par
Jo Aansoo Reh Gaye The Wo Bahane Aagaya Baba
Nazar Kaise Lage Gi Ab Badan Sanson Se Khali Hai
Kalai Se Tumhari Kali Doori Khulne Wali Hai
Phuphi Ki Aakhri Manat Barhane Aagaya Baba
Parhi Nad e Ali Lekar Chale Sheh Lasah e Akbar
Takllum Ayi Pehlu Sa Sad e Fatha e Khabar
Mere Beta Teri Himmat Barhane Aagaya Baba
