Abbas Na Ab Lot Ke Aayega Sakina
Ab Kon Tere Naaz Uthayega Sakina
Bhai Se Fida Hoke Yun Farmaate The Maula
Ab Kon Mere Ghar Ko Bachayega Sakina
Kya Hoga Zara Dair Mein Malum Hai Hum ko
Tar Khoon Mein Alam Nehar Sa Aayega Sakina
Ik Shor Hai Kohram Hai Bibi Lab e Dariya
Lagta Hai Ke Ab Shair Na Aayega Sakina
Talwaron Mein Nezon Mein Ghira Hai Mera Bhai
Wo Mashko Alam Kaise Bachayega Sakina
Abbas Na Honge Tera Baba Bhi Na Hoga
Ab Kon Teri Pyas Bhujayega Sakina
Kis ke Liye Bibi Dar e Khaima Pe Khari Ho
Ab Koi Tarayi Se Na Aayega Sakina
Abbas Ka Wada Hai Ke Pani Na Piyega
Pehle Tumhain Kausar Pilayega Sakina
Ayy Sarwaro Rehan Ye Kehte Rahe Maula
Ye Gham Tujhe Ta Hashr Rulayega Sakina
