Ek Nanhi Si Lehad Ran Main Banate Hai Hussain
Khaak Main Dusre Mohsin Ko Chupate Hai Hussain
Daalte Jaate Hai Asghar Ke Badan Par Mitti
Aur Khaimo Ki Taraf Dekhte Jaate Hai Hussain
Marte Dam Nanhe Se Hathon Ne Jise Thaama Tha
Ab Wo Daman Ali Asghar Se Churaate Hai Hussain
Laashe Hurr Ne Kaha Rumaal Ye Dedo Jaa Kar
Zakhm Basheer Ka Hathon Se Chupate Hai Hussain
Dhoondne Aayenge Is Laash Ko Naiza Bardaar
Chup Ke Bano Se Ye Zainab Ko Batate Hai Hussain
Kaha Sughra Ne Ke Mar Kar Tu Milungi Sheh Se
Mujh Ko Maloom Hai Har Qabr Main Aate Hai Hussain
Laashe Abbas Pa Kehti Thi Ye Zehra Roke
Utho Abbas Tumhe Kabse Bullate Hai Hussain
Koi Zainab Ko Bula Laye Takallum Jaa Kar
Barchi Akbar Ke Kaleje Se Churate Hai Hussain
