Akbar Ka Lahu Sheh Ki Abaa Tak Pohanch Gaya
Dastaar Se Wo Maa Ki Rida Tak Pohanch Gaya
Aise Giri Hai Khaima Mein Akbar Ki Laash Par
Zainab Ka Khoon Khaak e Shifa Tak Pohanch Gaya
Laila Ye Ro Ke Kehti Thin Akbar Kahan Ho Tum
Zalim Ka Hath Meri Rida Tak Pohanch Gaya
Aawaz Ran Se Aayi Ke Baba Main Gir Para
Girtaa Hua Hussain Sada Tak Pohanch Gaya
Seene Mein Naiza Toaṛ Ke Kehta Tha Ye Laeen
Dekho Hussain Apni Qaza Tak Pohanch Gaya
Maula Zaeef Ho Gaye Kuch Dair Mein Magar
Akbar Ka Laasha Aal e Abba Tak Pohanch Gaya
Jis Haath Ne Giraaya Tha Hum Shakal e Mustafa
Naiza Liye Woh Haath Rida Tak Pohanch Gaya
