Akbar Ka Lasha Dekh ke Khud Mar Gaye Hussain
Zalim Tu Bus Hussain Pe Khanjar Chalaye Ga
Atthara Saal Wale Ka Lasha Utha Liya
Aisa Laga Ke Apna Janaza Utha Liya
Akbar Ke Khun Se Ban Main Wuzu Kar Gaye Hussain
Barchi Ka Phal Ye Kaisa Rago Main Ulaj Gaya
Barchi Nikalne Pe Kaleja Bhi Kat Gaya
Sakhtey Main Aa Gaye Isi Dard Se Hussain
Laila Ki Hasrato Ka Janaza Nikal Gaya
Sugra Ki Khwahisho Ka Janaza Nikal Gaya
Akbar Ne Barchi Khayi Magar Mar Gaye Hussain
Ay Laal Tere Ghum Sa Kalaja Hua Figha
Barchi Jo Tu Ne Khayi Kaleja Main Hai Wo Bar
Dil Dharak Raha hai Magar Lash Hai Hussain
Tu Kya Gaya Ke Meri Basarat Chali Gayi
Tere He Sath Jeene Ki Chahat Chali Gayi
Beta Dharakna Bhul Gaya Hai Dil e Hussain
Khaime Ke Dar Pe Pahuche Tu Awaaz Di Yahi
Zainab Uthalo Aakar Meri Lash Hai Pari
Akbar Ke Saath Qatl Waha Ho Gaye Hussain
Akbar Ka Gum Utha Kar Mera Haal Hai Yahi
Main Tu Bus Ek Badan Hon Meri Jan Nikal Gayi
Raftaar Dekho Lafz Ki Bejaan Hai Hussain
Bhai Ka Haal Dekha Tu Zainab Tarap Gayi
Bete Ke Ghum Main Haalat Hui Kya Hussain
Khoon e Pisar Main Kis Tarah Galta Hue Hussain
Farhan Ho Ke Mazhar Bayaan Kya Kare Koi
Maa Ne Pisar Ke Lashe Pe Faryaad Ki Yahi
Ayy Laal Saath Tere Jahaa Se Gaye Hussain
