Subh E Ashura Hui Maa Ne Ro Ro Ke Suni Ali Akber Ki Azaan
Akhri Fajar Hai Yeh Is Moaazin Ke Liye Phir Yeh Awaaz Kahan
Dasht Mein Pyaase Moazzan Ne Jo Takbeer Kahi
Aagayi Apne Musalle Pe Ali Ki Beti
Yaad Phir Aayi Use Apne Baba Ki Azaan
Ro Padi Aun Ki Maa
Abhi Kuch Dair Salamat Hai Haram Ka Parda
Shaam Ke Waqt Jab Ayegi Azaanon Ki Sadaa
Jaan Bachane Ke Liye Sar Chupane Ke Liye
Chadarein Hongi Kahan
Roke Bete Ne Kaha Baap Se Hasrat Hai Meri
Aap Ki Behen To Sun Leingi Sadaa Akbar Ki
In Hawaon Se Kahein Rukh Madine Ka Karein
Meri Sughra Hai Wahan
Naam Aaya Jo Mohammad Ka To Roye Maula
Inna Lillah Padha Aur Yeh Ghazi Se Kaha
Is Ko Maarenge Seena Yeh Musalmaan Bhala
Rehem Khayenge Kahan
Aaya Jab Naam E Ali Uth Ke Yeh Maula Ne Kaha
Mai Fida Aap Pe Baba Meri Aulaad Fidaa
Teer Asghar Ke Lage Seena Akbar Ka Chide
Mujh Pe Khanjar Ho Rawaan
Kitna Tadpega Hussain Ibn E Ali Aye Beta
Teri Maa Teri Phuphi Teri Sakina Sughra
Jee Nahi Payeinge Sabhi Tujh Ko Barchi Jo Lagi
Tujh Mein Hum Sabki Hai Jaan
Masjid E Kufa Nazar Aane Lagi Karbobala
Do Azaanon Pe Bohot Royi Hai Bint E Zahra
Aaj Tak Bhooli Nahi Ek Baba Ki Azaan
Ek Akbar Ki Azaan
Kis Qadar Dard Mein Doobi Thi Sadaa Akbar Ki
Gash Se Uth Kar Kaha Sajjad Ne Batlayein Phuphi
Sub Kyu Rote Hain Yahan Shor Hai Kaisa Bapaa
Kaun Deta Hai Azaan
Kaise Manzar Ho Bhala Mir Takallum Ho Raqam
Baab E Saaat Pe Hui Satra Azaane Jis Dam
Sun Ke Ek Ek Azaan Ro Ke Kehti Thi Wo Maa
Mere Akbar Ho Kahan
