Ali Ali Ali Ali
Ali Ali Ali Ali

Har Ek Lamha Har Ik Ja Ali Ali Bolay
Jo Jitna Paak Hai Utna Ali Ali Bolay

Ba-Qaul-E-Mesum-E-Tammar Shia Wo Hai Ke Jo
Zaban Kate To Zyada Ali Ali Bolay

Sunaye Deta Rahega Jahan Ko Hashr Talak
Nabi Ghadeer Me Itna Ali Ali Bolay

Ye Kah Ke Rab Ne Padha Arsh Par Ali Ka Nikah
Main Chahta Hun Ke Zahra Ali Ali Bolay

Kaha Nabi Ne Ye Meraj Me Khuda Ki Qasam
Khuda Jo Bole To Lahja Ali Ali Bolay

Hai Zulfiqar-E-Ali Ki Tarha Se Ye Bhi Khamosh
Imam Aaye To Kaaba Ali Ali Bolay

Jhukaya Sar Ko Zacha Khana-E-Ali Ki Taraf
Isiliye Mera Sajda Ali Ali Bolay

Ik Aisa Nara-E-Haider Laga Sare Mahfil
Ke Khud Bhi Wajd Me Mola Ali Ali Bolay

Munafiqon Ki Zaban Par Hai Bughz Ka Tala
Ho Ishq Sachha To Goonga Ali Ali Bolay

Yahan Ke Logon Ka Sadiyon Se Hai Salam Yehi
Tamaam Sindh Ka Sooba Ali Ali Bolay

Tamam Zindagi Farhan Ho Ya Ho Saqlain
Ali Ali He Suna Ya Ali Ali Bolay