Eid Mubarak Ali Walon Ko
Eid Mubarak Nabi Walon Ko
Saari Duniya Ko

Hai Jis Jis Ke Nabi Mola Usi Ke
Ali Mola Banaye Ja Rahe Hain
Muhammad Muskuraye Ja Rahe Hain
Ali Mola Banaye Ja Rahe Hain

Falak Neeche Nazar Aane Laga Hai
Ali Itne Uthaye Ja Rahe Hain

Muhammad Ko Khabar Hai Khaslaton Ki
Bhagore Hain Bithaye Ja Rahe Hain

Parhate Hain Muhammad Poora Kalma
Sahi Muslim Banaye Ja Rahe Hain

Kiye Jo Zul Ashirah Main Khuda Ne
Wohi Waade Nibhaye Ja Rahe

Manaat Aur Laat Uzza Hain Wo Dekho
Jo Kab Se Mun Banaye Jaa Rahe Hain

Fitrus Banu Tou Dekhne Jaaon Ghadeer E Khum
Apne Paron Pe Likh Ke Main Laaon Ghadeer E Khum
Mil Jaye Raaste Main Agar Sheikh Ji Mujhe
Naare Laga Laga Ke Sunaaon Ghadeer E Khum

Laga Kar Naara E Haider Abuzar
Kisi Ka Dil Jalaye Ja Rahe Hain

Utha Kar Haath Haider Ka Muhammad
Balandi Se Dekhaye Ja Rahe Hain

Ali Ke Jashan Mein Zeeshan O Mesum
Qaside Gun Gunaye Jaa Rahe Hain