Ali Walon Ko Ali Mubarak Ho Nabi Ko Wasi Mubarak Ho
Ali Ke Makan Mein Ali Ki Taraf Se Ali Ka Ali Mubarak Ho
Ali Badshah Ke Jiyaloon Ke Din Hain
Qaseede Sunao Dhamalon Ke Din Hain
Koi Puche Kehna Ali Arahe Hain
Gharon Ko Sajao Ujaloon Ke Din Hain
Hamari Khushi Mein Jisay Mout Aaye Ussay Khudkushi Mubarak Ho
Woh Tera Rajab Aur Woh Kaabe Ka Manzar
Milne Ali Se Jab Aaye Payambar
Ali Ko Mohammad Ke Hathon Mein Dekar
Ye Bint E Asad Ne Kaha Muskura Kar
Khuda Ke Nabi Tum Ko Wasi Jannshi Aur Ye Damaad Bhi Mubarak
Koi Jaa Ke Marhab Se Jab Lar Na Paaya
Alam Leke Khyber Mein Ik Mard Aaya
Mein Haider Hoon Haider Bas Itna Bata Kar
Sar Ik Waar Mein Jab Ali Ne Uraya
Jo Marhab Ke Dar Se Chupay Thy Woh Bolay Balaa Tal Gayi Mubarak Ho
Ali Hain Maula Hum Deewane
Ali Hain Shama Hum Parwane
Ali Ke Jaisa Koi Nahi Hai
Koi Mane Ya Na Mane
Khuda Tera Inkaar Kaise Karun Mein
Ali Ne Kaha Hai Tou Khamosh Hoon Mein
Tu Har Shey Pe Qaadir Hai Mein Maanta Hoon
Magar Tu Bata De Usay Kya Kahun Mein
Jo Thokar Se Murde Jila Kar Sada De Nayi Zindagi Mubarak Ho
Ik Arsh Se Tara Nikla Behlol Sa Deewana Tha
Zahra Ki Marzi Leker Ik Chokhat Par Jana Tha
Jab Shehr E Madina Pouncha Kuch Log Thy Jin Ko Dekha
Woh Jhoom Jhoom Ke Ghoom Ghoom Ke Unke Dil Jalataa Tha
Kaabe Ke Jaisa Ik Ghar Jab Dekha
Us Ghar Mein Sab Ka Maula Rehta Tha
Hua Phir Yun Koi Khush Tha Koi Kahin Roya
Dar E Murtaza Par Sitaare Ne Aakar Jab Aawaz Di Mubarak Ho
Dulhan Bhi Lajawab Hai Dulha Bhi Lajawab Hai
Dulhan Hain Bibi Fatima Dulha Abu Turab Hai
Khushi Se Mohammad Ka Chehra Khila Tha
Ali Aur Zahra Ka Rishta Hua Tha
Kahin Dil Ke Arman Bahe Aansuon Mein
Kahin Rang Chehre Ka Badla Hua Tha
Ye Imran Ne Jab Mohammad Se Aakar Kaha Ya Nabi Mubarak Ho
Ali Sabke Maula Hain Sun Kar Nabi Se
Galay Mil Rahe Thy Sab Aakar Ali Se
Ye Hans Kar Abuzar Se SALMAN Bolay
Chalo Paas Jaa Kar Kahe Sheikh Jee Se
Yahan Kyun Khare Hain Sharafat Se Jakar Kahe Ya Ali Mubarak Ho
Bari Arzoo Hai Ke Woh Din Bhi Dekhe
Ali Ki Ho Mehfil Ali Ke Haram Mein
Najaf Ki Zameen Par Qasida Ye Sun Kar
Hamein Daad De Kar Ali Khud Ye Bolein
Raza Aur Zeeshan Hamare Haram Mein Tumhein Naukri Mubarak Ho
