Athara Baras Tum ko In Haathon Se Pala Hai
Main Kaise Kahun Akbar Marne Ke Liye Jao
Akbar Tujhe Dekhun Tu Chalti Hain Meri Saansain
Kis Tarah Tujhe Zakhmi Dekhein Gi Meri Aankhein
Mere Gul Badan Mere Nojawaan
Kaleje Mein Jab Lagegi Sina
Meri Jaan Tum Na Seh Paoge
Tumhein Kis Tarah Sambhaale Gi Maan
Maloom Hai Zainab Ko, Naazuk Tera Seena Hai
Ek Baar Zara Apne Baba Ki Taraf Dekho
Kis Tarah Uthaayenge Wo Tere Janaze Ko
Ajab Haal Hai Kamar Mein Hai Kham
Hai Abbas Ki Judai Ka Gham
Ghareeb ul Watan Bohot Thak Chuka
Zaefi Bhi Hai Nazar Bhi Hai Kam
Ayy Laal Mera Bhaiyya Se Roz Ka Pyaasa Hai
Main Paalne Wali Hon Itna Tu Mera Haq Hai
Socha Tha Ke Ek Din Jab Jaungi Duniya Se
Lahad Mein Mujhe Utaarega Tu
Ye Armaan Hai Ye He Aarzu
Rahe Tu Sada Mere Saamne
Ruke Saans Bhi Tere Rubaru
Ayy Laal Abhi Mera Armaan Adhoora Hai
Jab Pehle Pehl Tujhko Hathon Pe Uthaya Tha
Yeh Kehte Hue Maine Seene Se Lagaya Tha
Meri Zindagi Mere Laadle
Kisi Ki Tujhe Nazar Na Lage
Tujhe Dekhne Ko Bechain Thi
Sukoon Mil Gaya Tujhe Dekh Ke
Tu Aankhon Ka Tara Hai Tu Raaj Dilaara Hai
Sughra Se Kya Wada Kiya Yaad Nahi Akbar
Beemar Madine Mein Mar Jaaye Na Ro Ro Kar
Use Aas Hai Ke Aoge Tum
Jo Wada Kiya Nibhaoge Tum
Sakina Se Woh Bohot Door Hai
Behan Se Use Milwaoge Tum
Aey Laal Abhi Tumko Woh Wada Nibhaana Hai
Akbar Teri Shadi Ka Armaan Hai Bohot Humko
Hum Seh Nahi Paayenge Aey Laal Tere Gham Ko
Jabeen Par Teri Jo Sehra Bandhe
Tamanna Hai Wo Phuphi Dekh Le
Dulhan Ko Teri Sajaaungi Main
Aey Mere Haseen Jawaan Laadle
Zainab Ne Abhi Tujhko Dulha Bhi Banaana Hai
Ye Kehne Lage Akbar Zainab Ki Sada Sunkar
Afzal Tu Nahi Amma Main Dilbar e Zahra Se
Akele Hain Wo Nahi Hai Koi
Musibat Mein Hai Zarurat Meri
Nazar Kis Tarah Milaunga Main
Agar Aap Ne Ijazat Na Di
Kyun Aap Ke Honton Pe Is Waqt Ye Noha Hai
Akbar Ki Sada Sunkar Zainab Ne Ijazat Di
Rukhsat Jo Hue Akbar Kaisi Wo Qiyamat Thi
Duaayein Khuda Se Karti Thi Wo
Mere Laal Ki Khuda Khair Ho
Kaha Ya Ali Madad Kijiye
Main Rukhsat Karun Jawaan Laal Ko
Zeeshan O Raza Phir Na Zainab Ne Pukara Hai
