Ayy Khatm E Rusool Maki Madani Konain Mein Tum Sa Koi Nahi
Ayy Noor e Mujasim Tere Siwa Mehboob Khuda Ka Koi Nahi
Ausaf Tu Sab Ne Paye Hain Par Husn E Sarapa Koi Nahi
Aadam Se Janab E Esa Tak Sarkar Ke Jaisa Koi Nahi
Ye Shan Tumhari Hai Aaqa Tum Arsh E Bareen Par Pohnche Ho
Zeeshan Nabi Hain Sab Lekin Meraj Ka Dulha Koi Nahi
Khairat Muhammad Se Pa Kar Kis Naaz Se Kehte Hain Mangte
Dukhiyoon Pe Karam Karne Wala Sarkar Se Acha Koi Nahi
Dil Kis Ko Dikhayen Cheer Ke Hum Aisiya Ka Madawa Kaun Kare
Ayy Rahmat E Aalam Tere Siwa Dukhiyon Ka Masiha Koi Nahi
