Khamosh Na Ho Baap Se Batein Kro Akber
Hum Tum Ko Mila Dein Ge Phopi Jan Se Jaa Kr
Aye Laal Kaleje Mai Abhi Dard Tou Ho Ga
Nikla Hai Lahu Itna Badan Sard To Ho Ga
Tum Chup Ho To Chalte Hai Mere Qalb Pe Khanjr
Qadmon Ki Tarf Se Hai Uthaye Howe Baba
Aur Sar Ki Taraf Se Hai Sambhale Howe Zahra,
Ankhon Ko Zara Khol Ke Dekho Tou Ye Manzar
Tum Khoon Ugalte Ho Tou Bhr Jata Hai Chulu
Batlao Kare Zabt Kahan Tak Mere Ansoo
Beta Nikal Aaye Ga Kaleja Mera Bahr
Darya Pe Gayee Ho Ge Jo Larte Hoi Beta
Jaldi Se Batao Mera Phata Hai Kaleja
Kis Haal Mai Hai Lasha E Abbas Dilawar
Tum Khud Bhi Samajhte Ho Ye Majboori Meri Hai
Ahista Jo Chalta Ho Qamar Tooti Hoi Hai
Thora Sa Safar Baqi Hai Himat Karo Dilbar
Beta Hamein Maidaan Ki Rudad Sunao
Kya Haal Hai Ab Pyas Ka Baba Ko Batao
Anghooti Dahan Se Kyu Nikal Aaye Hai Bahar
Maathe Se Pasina Tou Abhi Saaf Kiya Hai
Kya Zakhm Ki Taqleef Hai Moo Khol Diya Hai
Saasein Kyu Meri Jaan Nahi Aati Baraber
