Haaye
Jo dard Fatima ne Ali se chupaaye hain
Tanhaayi mein kaneez ko apni sunaaye hain

Batool ro parin Fizza ko ye batate huwe
Batool ro parin Fizza ko ye batate huwe

Hasan ne dekha hai mujh ko
Tamaachay khatay huay.

Batool ro parin

Na jaane kya kiya zaalim ne Fatima pe sitam
Zaeef ho gayi beti Rasool ki ik dam
Sanad ke tukroan ko darbaar mein uthatay huwe

Batool ro parin

Main aaj shehr e Madina ko hee mita doongi
Agar Ali ko na chora to baddua doongi
Kahan Batool ne sar se rida hatatay huwe

Batool ro parin

Jo mujh pe guzri hai mujh se na ho sakay gi bayaan
Wo dekho ab bhi hain dewaar par lahu ke nishaan
Main dekhti hoon inhain roz aatay jaatay huwe

Batool ro parin

Bataaya sab ko jo mafhoom hai wilayat ka
Laboan pe shikwa na bint e Rasool ki aaya
Ali Ali hi kiya taaziyaane khatay huwe

Batool ro parin

Wo mujh se chup ke meri be kasi pe rota hai.
Khayal rakhna ye naazuk mizaaj beta hai.
Meray janazay se Shabbir ko hatatay huwe

Batool ro parin

Abul Hasan ko tha patkay se main ne thaama huwa
Magar laeen ne durray se yun mujhay maara
Zameen pe gir gayi Fizza main lad khadhate huwe

Batool ro parin

Ba roz e hashr main Mehdi ko ye bataaongi
Tamaam pasliyaan tooti hain is liye meri
Laeen ne maara tha thokar se aatay jaatay huwe

Batool ro parin

Mera fareeza nibhayegi laadli meri
Ghiray ga sholoan mein jis waqt aik aur Ali
Chalay gi aag pe Zainab usay bachaatay huwe

Batool ro parin

Padar ki qabr pe Akbar wo ro ke kehti thi
Hifaazat aap ne mujh ko Ali ki soanpee thi
Tamaachay main ne hain khaaye unhain bachaatay huwe

Batool ro parin Fizza ko ye batatay huwe