Jab Chali Talwar Haaye Zehar Mein Doobi Hui 
Sar Shikasta Ho Gaya Uth Na Sake Maula Aliؑ 
Thay Sarhane Shabbirؑ O Shabberؑ Aur Abbasؑ Bhi 
Baap Ko Jab Betiyon Ki Yaad Aayi Us Ghari 

Dekh Kar Beton Ka Chehra Ye Aliؑ Kehne Lage 
Waqt Kum Hai Betiyon Ke Paas Le Jao Mujhe 

Dekh Kar Zainabؑ Ko Meri Saans Mein Saans Aayegi 
Dekh Kar Kulsoomؑ Ko Ye Zindagi Barh Jayegi 
Baap Kuch Din Aur Jee Le Betiyon Ke Samne 

Zakhm Zarbat Ka Wahan Par Dekhna Zahir Na Ho 
Khoon Sar Se Saaf Karke Phir Amaama Baandh Do 
Betiyan Ghabra Na Jaayein Meri Haalat Dekh Ke 

Haye Phir Shabbirؑ Se Rote Hue Bole Aliؑ 
Wo Agar Maange Tu De Dena Nishani Baap Ki 
Ye Musalla Sath Rakh Lo Meri Zainabؑ Ke Liye 

Is Liye He Baap Se Beti Ka Hai Rishta Ajaab 
Betiyan Hain Baap Ki Mayyat Pe Roanak Ka Sabab 
Khush Naseebi Hai Khuda Beti Ata Karde Jise 

Apne Baba Ke Janaze Par Jo Royain Fatimaؑ 
Us Ghari Main Apni Zainabؑ Ke Liye Rota Raha 
Kitna Mushkil Hai Bicharna Betiyon Ka Baap Se 

Kal Main Jab Kulsoomؑ Ke Ghar Se Chala Rone Lagi 
Mere Seene Se Lipat Kar Mujhse Ye Kehne Lagi 
Jaa Rahe Hain Laut Kar Phir Aayen Gain Kab Ghar Mere

Le Chalo Ab Betiyon Se Door Main Kaise Rahoon 
Zainabؑ O Kulsoomؑ Ke Ja Kar Main Shaanay Choom Loon 
Haan Isi Kufa Main Honge Hath Dono Ke Banrhe 

Dekh Kar Abbasؑ Ka Chehra Aliؑ Ne Ye Kaha 
Samne Rehna Hamesha Oarh Kar Meri Aba 
Betiyan Jeeti Rahein Chehra Tumhara Dekh Ke 

Haye Zeeshan O Raza Jab Hukm Baba Ka Suna 
Ghar Ki Janib Le Chale Bete Ba Sad Aah O Buka 
Aur Aliؑ Beton Se Ro Ro Kar Yehi Kehte Rahe