Lash Par Mazloom Bhai Ki Jab Aayi Thi Bahan
Aankh Se Aasu Rawa The Aur Tha Lab Par Sukhan
Teeron Se Jis Ka Sara Badan Pash Pash Hai
Bhai Hussain Kya Ye Tumhari Hi Laash Hai
Amma Ne Jeeteji Jise Rone Nahi Diya
Ranjo Alam Koi Bhi Uthane Nahi Diya
Hadd Hai Ke Dhoop Mein Bhi Nikalne Nahi Diya
Amma Ne Jis Ko Kanta Bhi Chubne Nahi Diya
Tan Par Jo Ek Libaas Tha Wo Taar Taar Hai
Zakhmo Se Jism He Nahi Dil Bhi Figaar Hai
Har Teer Tere Jism Ka Khud Sogwaar Hai
Is Lash Par Ghareeb Behen Ki Pukaar Hai
Qurbaan Teri Lash Par Aye Jaan E Syeda
Afsos Teri Lash Par Sar Bhi Nahi Raha
Ye Haal Tera Dekh Ke Karti Hon Main Buka
Behti Hai Meri Aankh Se Ashko Ki Alqama
Abbas Ko Bulao Ya Akbar Ko Du Sadaa
Tum Ne Uthaya Dasht Mein Lasha Har Ek Ka
Laasha Uthaun Main Tera Mazloom E Karbala
Lekin Ghareeb e Nainawa Mujh Ko Ye Tu Bata
Pala Tha Maa Ne Kya Tumhe Is Din Ke Waste
Maqtal Ki Garm Rait Per Tarpoge Pyaas Se
Be Rehm Log Le Gaye Sar Tann Se Kaat Ke
Pehchanu Kaise Laash Ko Tu Hi Bata Mujhe
Farhan O Mazhar Abidi Kaise Kare Baya’n
Karbobala Ke Dasht Mein Lasho Ke Darmiyan
Is Bekasi Ro Pari Makhduma E Jahan
Ki Lasha E Hussain Pe Zainab Ne Jab Fughan
