Bhaiya Main Agayi Hoon Nana Ka Deen Bacha Ke
Jaon Gi Ab Madina Chehlum Tera Mana Ke
Maloom Hai Ye Tum Ko Zainab Ujar Chuki Hai
Lekin Teri Shahadat Ghar Ghar Pohunch Gayi Hai
Shabash Do Behan Ko Bhaiya Galay Laga Ke
Bhaiya Tumhari Zainab Ab Wo Nahi Rahi Hai
Pehchan Lo Ge Mujh Ko Halat Badal Gayi Hai
Chalti Hai Ye Zaeefa Bhai Kamar Jhuka Ke
Sajjad Aur Baqar Dein Ge Gawahi Meri
Khaye Hain Taziyane Binte Ali Ne Phir Bhi
Le Ayi Shamiyon Se Waris Tere Bacha Ke
Kaise Bataun Bhaiya Bazaar Main Jo Guzri
Kehte Sab Ke Maaro Ye Hai Ali Ki Beti
Baba Ke Bhi Main Badle Sab Ayi Hoon Chuka Ke
Ummat Ne Tujh Pe Bhai Rone Kahan Diya Hai
Jee Bhar Ke Maine Tera Matam Kahan Kiya Hai
Roye Gi Aj Zainab Farsh E Aza Bicha Ke
Ghar Ja Ke Kya Karun Gi Pehlu Main He Sula Lo
Akbar Se Keh Ke Mujh Ko Turbat Ki Jaa Dila Do
Malik Ho Tum Tou Bhai Jageer E Karbala Ke
Ye Keh Ke Aye Takallum Uthi Ali Ki Beti
Abbas Ki Lahad Par Pohuncha De Mujh Ko Koi
Dikhla Doon Ba Wafa Ko Rassi Ke Neel Jaa Ke
