Haye Kulsoom Ro Ke Kehti Thiin Ummul Baneen Sa
Bin Baazoun Ke Utra Hai Abbas Zeen Se
Umeed Pyasa Bachon Ki Mujh Sa Juri Rahain
Wo Chahta Tha Mashk E Sakina Bachi Rahain
Yun Teer Rokta Raha Apni Jabeen Sa
Baba Ka Zakhm Yad Hai Gehra Tha Kis Qadar
Aisa He Tha Do Neem Mere Bawafa Ka Sar
Haider Ki Tarha Khoon Tha Jari Jabeen Sa
Ek Aankh Mein Tha Teer Tu Ek Aankh Mein Lahu
Khaima Ki Raah Dhund Raha Tha Wo Char Soo
Ek Gurz Ne Gira Diya Be Kas Ko Zeen Sa
Rooh E Ali Ke Bain Thay Haye Mera Safeer
Sar Par Bhi Gurz Bazu Juda Ankh Mein Bhi Teer
Badla Mera Liya Hai Mere Janasheen Sa
Saqqa Haram Ka Dasht Mein Be Jaan Ho Gaya
Ab Marna Hussain Ko Asaan Ho Gaya
Ye Shoar Uth Raha Tha Sipah E Laeen Sa
Ghazi Ki Maut Haal Ye Zainab Ka Kar Gayi
Lagta Tha Jaisa Sani E Zahra Bhi Mar Gayi
Aisa Giri Wo Jaisa Gira Bhai Zeen Sa
Ama Main Apne Beton Ka Matam Na Kar Saki
Had Yeh Hai Qaid Ho Ke Main Jab Sham Ko Chali
Bazu Utha Ke Choom Na Payi Zameen Sa
Akbar Behan Ye Boli Ghazab Ki Jafa Hui
Asghar Ke Jaisi Lash Mere Bhai Ki Bachi
Abid Ne Us Ke Tukrha Chune Hain Zameen Sa
