Dar E Batool Jalaya Gaya Madine Main
Ali Ko Khoon Rulaya Gaya Madine Main

Na Jane Kya Hua Baad E Nabi Zamane Ko
Namaz Jis Se Hai Qayam Woh Ghar Jalane Ko
Namaziyon Ko Bulaya Gaya Madine Main

Sitam Tou Ye Hai Tamashai Ban Gayi Duniya
Kisi Ne Kuch Na Kaha Dekhti Rahi Duniya
Ali Ko Qaidi Banaya Gaya Madine Main

Shikasta Pehlu Jo Zehra Dikhayi Deti Hai
Hadis E Bizato Minni Duhaai Deti Hai
Nabi Ka Khoon Bahaya Gaya Madine Main

Kaha Ye Bhai Ne Ek Bhai Se Galay Lag Kar
Hasan Bhula Nahi Sakta Hussain Woh Manzar
Jab Hath Maa Pe Uthaya Gaya Madine Main

Jawab Kya Dein Ali Puchti Hai Ye Beti
Aye Baba Jalta Hua Dar Gira Ke Maa Pe Meri
Suna Hai Jashan Manaya Gaya Madine Main

Hua Ye Zulm Jo Masjid Mein Ro Pare Maula
Woh Jis Ne Mara Tha Binte Rasool Ko Durra
Wazeefa Us Ka Barhaya Gaya Madine Main

Kaha Rasool Se Binte Rasool Ne Ja Kar
Fidak Na Dete Mujhe Koi Gham Nahi Tha Magar
Mera Mazak Urhaya Gaya Madine Main

Ye Raaz Dafn Hai Do Bhaiyon Ke Seenay Main
Nabi Ki Beti Ko Masjid Main Ghar Main Koochay Main
Kahan Kahan Pe Sataya Gaya Madine Mein

Hasan Hussain Ko Pehchan He Nahi Payi
Tamam Ho Gayi Binte Nabi Ki Beenai
Tamancha Aisa Lagaya Gaya Madine Main

Ghareebi Likhe Takallum Ameer Ki Kaise
Andheri Raat Mein Chup Kar Madine Walon Se
Mazaar E Zehra Banaya Gaya Madine Main