Dastan E Shujat Ka Darain Main
Ek Bemisl Kirdar Abbas Hai
Hai Ali Ke Athara (18) He Bete Ali
Par Sabhi Main Alamdar Abbas Hai
Saheb E Taqt Akhline Gairat Hai Ye
Aur Charagh E Hareeb E Sharafat Hai
Dor E Shehwar Behre Saqawat Hai Ye
Haq Tu Ye Hai Ke Haq Ki Haqeeqat Hai
Wo Duain Jo Bibi Ne Sajdon Main Ki
Un Duaon Ka Mayar Abbas Hai
Inke Lehje Main Hashim Ki Hashmat Bhi Hai
Inke Tewar Main Hamza Ki Haibat Bhi
Har Ada Inki Imran Ka Aqs Hai
Inki Baho Main Jaffar Ki Taqat Bhi Hai
Pyar Hai Mustufa Ka Hussain O Hasan
Aur Hassnain Ka Pyar Abbas Hai
Mashq Main Kyun Na Dariya Utha Laye Wo
Fatima Ne Jisa Apna Beta Kaha
Babe Khaibar Tha Kul Hath Main Apke
Ya Nighon Main Lashkar Tha No Lakh Ka
Ya Ali Hai Agar Zulfiqar Apki
Fatima Ki Tu Talwar Abbas Hai
Naql E Azmat Ka Shireen Samar Hai Yehi
Ismaton Ke Sadaf Ke Gohar Hai Yehi
Noor Ki Sidra Tul Muntaha Hai Yehi
Hashmi Aasman Ke Qamar Hai Yehi
Jin Ke Saye Main Akber Bhi Palte Rahe
Hussn Ka Aisa Minaar Abbas Hai
Hal Ata Innama Ki Jo Misdaaq Hai
Wo Bhi Ghazi Ke Aane Ki Mushtaq Hai
Arsh Se Farsh Tak Inki Jageer Hai
Sari Maqlooq Inki Gadageer Hai
Jo Ali Ki Shujat Ka Waris Bhi Hai
Aisa Aala Zamindar Abbas Hai
Qabr Kya Hai Andhera Sa Ghar Hai Jahan
Marefat Ke Siwa Koi Sapna Nahi
Wo Bohat He Andheri Jagah Hai Waha
Koi Yawar Nahi Koi Apna Nahi
Tumse Milne Lahad Main Ali Aayenge
Bolo Tanhai Main Aur Kya Chahiye
